老站徙位 高雄舊車頭抽懸欲做新站大門
發布時間：
更新時間：
高雄老車頭按算明年一月，欲徙轉去，原來中山路的正對面，這馬老車頭，當咧逐工抽懸，個外月以來，已經增加287公分，嘛已經完成地基的補強。鐵路局表示，等老車頭抽懸394公分，今年8月就會當開始進行，徙位的大工程。
工作人員徛懸懸，將枋仔提落來換疊鐵仔，欲共2500噸的老車站衝懸，in是靠下底這47支jaki，逐工將老車站衝懸30公分，目前攏總衝懸287公分，比一个人閣較懸，目標是愛衝懸將近4公尺。
現場人員對三月中就開始沓沓仔替老車站抽懸，抽懸過程愛真細膩，對頭先一工12公分，到這馬一工30公分，毋但jaki佮人工做伙衝予懸，嘛利用電腦確定，每一个所在衝起來的懸度愛平均。
老車站衝懸3公尺閣94公分了後，八月開始愛先往北爿徙4.8米，然後閣對西爿徙將近58米，鐵道局按算，明年一月，老車站就搬到中山路正對面，這棟帝冠式建築會成做高雄車站的大門。
舊高雄車站起佇1941年，內部恢復原底裝潢，外觀四角形厝頂，親像戴一頂官帽嘛誠有特色，因為鐵路地下化，2002年徙位，這馬總算會當轉外家，未來高雄車站就有完全無仝的風貌。
工作人員徛懸懸，將枋仔提落來換疊鐵仔，欲共2500噸的老車站衝懸，in是靠下底這47支jaki，逐工將老車站衝懸30公分，目前攏總衝懸287公分，比一个人閣較懸，目標是愛衝懸將近4公尺。
南北樓房遷移工程工程師 林建宏:「4米這个懸度講實在對阮人員來講，伊就算有一个風險，閣作業上嘛算誠困難，你看所有的人就是愛peh梯，無就用高空作業車咧施工，所有接載嘛是攏愛提鐵仔，這鐵仔攏真重。」
鐵道局南部工程處正工程司 張維舜:「若是講無平均，對伊的結構產生一寡損害，所以阮先佇伊的基礎部分，阮先做一个30公分的補強，予規个站體下跤的基礎閣較勇，阮補強了後，阮才用千斤秤沓沓仔衝懸起來。」
老車站衝懸3公尺閣94公分了後，八月開始愛先往北爿徙4.8米，然後閣對西爿徙將近58米，鐵道局按算，明年一月，老車站就搬到中山路正對面，這棟帝冠式建築會成做高雄車站的大門。
鐵道局南部工程處正工程司 張維舜:「保持彼時陣，日本人起的時陣的一个特色，包括伊的柱仔，伊的天井部份攏是保留原先的特色。」
舊高雄車站起佇1941年，內部恢復原底裝潢，外觀四角形厝頂，親像戴一頂官帽嘛誠有特色，因為鐵路地下化，2002年徙位，這馬總算會當轉外家，未來高雄車站就有完全無仝的風貌。
