新竹長和宮奉真髮媽祖 欲出巡著先共頭鬃綁好
加入公視會員，
按讚收藏你關注的報導
發布時間：
更新時間：
有280年歷史的媽祖廟—新竹市長和宮。傳說內面鎮殿的軟身媽祖，頭殼頂有一搓湄洲聖母林默娘本人的頭毛。而且媽祖也真愛媠，頭鬃若無梳好勢，就無欲出巡。
輕跤細手共媽祖的帽仔提落來，會使看著整齊的頭鬃。根據史料記載，有280冬歷史的新竹長和宮，內底這身媽祖神像的頭鬃，來自媽祖真身，全世界獨一無二(to̍k-it-bû-jī)。
peh來二樓，廟方閣有保存真濟文物，包括媽祖當年來台灣的時陣，所坐的輦轎仔佮香條，每一件攏是珍貴的歷史文物。
長和宮起佇古早新竹的北門城樓外口，所以外界攏共遮號做外媽祖廟，民國七十四年經過內政部指定國家三級古蹟。透過文物，民眾嘛通更加了解過去的歷史。
輕跤細手共媽祖的帽仔提落來，會使看著整齊的頭鬃。根據史料記載，有280冬歷史的新竹長和宮，內底這身媽祖神像的頭鬃，來自媽祖真身，全世界獨一無二(to̍k-it-bû-jī)。
新竹長和宮主委楊金土表示：「較早大陸論文報告，就是研究報告，咱目前有三身，大媽二媽三媽，這馬干焦賰正三媽有頭毛，就是長和宮。」
peh來二樓，廟方閣有保存真濟文物，包括媽祖當年來台灣的時陣，所坐的輦轎仔佮香條，每一件攏是珍貴的歷史文物。
新竹長和宮主委楊金土表示：「乾隆年代坐帆船，媽祖坐這座輦轎佮帆船，來到咱台灣竹塹新竹長和宮遮，彼當時北門街竹塹遮，非常繁華的所在，所以誠濟生理人為著行船的安全，所以對大陸專工請這身，湄洲祖廟正三媽來到咱新竹。」
