停招7冬今猶欠薪水 永達教師去教育部抗議
發布時間：
更新時間：
2014年停辦的屏東永達技術學院，到這陣猶閣欠一寡教師薪水，學生嘛無安排好勢。高教工會、今仔日佇教育部門口、召開記者，認為學校會欠教職員遐濟錢、是因為董事會共錢、提去違法使用，而且教育部攏無處理；而且對學生的安排，教育部所講的數字、嘛是寫好看爾爾。
屏東縣永達技術學院因為少子化佮經營問題等等原因，佇2014年停辦，到今已經7冬矣，台灣高等教育產業工會佮學校的老師27佇教育部頭前開記者會，批評當初的董事會非法徙用六千萬學校財產，毋才會欠教職員遮濟費用，但是教育部攏無處理。
台灣高等教育產業工會辦公室主任陳書涵：「對2014年停辦進前，阮就一直共教育部檢舉，In真濟違法，這幾年教育部攏無咧做代誌，就佇教育部的監管下，目睭金金看前董事會共永達的現金開甲無半仙。」
工會講，當初停辦的時陣有625个學生需要安置，毋過3冬過去，只有百分之54的學生順利畢業，而且針對現場教育部的講法，工會感覺真不滿。
教育部技職司科長陳映璇：「其實部内底攏有一直咧追蹤，只是想欲說明講498个學生內底追蹤到今年，其實有390个學生已經畢業，休退學的學生大概是130个。」
屏東縣永達技術學院因為少子化佮經營問題等等原因，佇2014年停辦，到今已經7冬矣，台灣高等教育產業工會佮學校的老師27佇教育部頭前開記者會，批評當初的董事會非法徙用六千萬學校財產，毋才會欠教職員遮濟費用，但是教育部攏無處理。
台灣高等教育產業工會辦公室主任陳書涵：「對2014年停辦進前，阮就一直共教育部檢舉，In真濟違法，這幾年教育部攏無咧做代誌，就佇教育部的監管下，目睭金金看前董事會共永達的現金開甲無半仙。」
工會講，當初停辦的時陣有625个學生需要安置，毋過3冬過去，只有百分之54的學生順利畢業，而且針對現場教育部的講法，工會感覺真不滿。
教育部技職司科長陳映璇：「其實部内底攏有一直咧追蹤，只是想欲說明講498个學生內底追蹤到今年，其實有390个學生已經畢業，休退學的學生大概是130个。」
高教工會組織部主任林柏儀：「毋是嘛，恁的分母用490，In625个人著無，200个學生是無受著安置的。」
工會講，教育部用498个學生當作學生總數，是干焦算有接受教育部安置的學生爾爾，其他無接受安置的學生，有部份是因為教育部無法度將in轉去適合的系、抑是講予轉去傷過遠的學校所致放棄。工會批評，教育部的講法是自欺欺人。針對工會佮老師的訴求，教育部表示，永達的問題，這馬著看停辦以後成立的公益董事會欲按怎決定，教育部過去有協助公益董事會佮老師溝通，未來嘛會繼續提供需要的資料予董事會，協助解決問題。
工會講，教育部用498个學生當作學生總數，是干焦算有接受教育部安置的學生爾爾，其他無接受安置的學生，有部份是因為教育部無法度將in轉去適合的系、抑是講予轉去傷過遠的學校所致放棄。工會批評，教育部的講法是自欺欺人。針對工會佮老師的訴求，教育部表示，永達的問題，這馬著看停辦以後成立的公益董事會欲按怎決定，教育部過去有協助公益董事會佮老師溝通，未來嘛會繼續提供需要的資料予董事會，協助解決問題。
