臺灣珍貴文學作品手稿 收藏.展示濟濟鋩角

臺灣文學的發展,對清朝尾、日本時代、二戰時期到今,累積真濟文學作品,所留落來的手稿,毋但珍貴也誠歹保存。是欲按怎收藏、研究、展示咧。來看記者所做的專題報導。

清代台灣唯一一對爸仔囝進士,施瓊芳、施士洁的珍貴手稿(C0113),猶有台灣作家楊逵的作品,田植競爭手稿(C0134),這兩件分別是收藏家和家屬捐贈予國立台灣文學館的文物,攏有恆溫、濕度、燈光的控制,盡量莫予紙張受著破壞。

典藏的背後,需要真懸的成本,包括修復專業人力、硬體設備等等,台灣文學館館長蘇碩斌表示,台文館的收藏以手稿、獨特的孤本、規套的雜誌優先,但收集收藏大部份攏是民間捐贈,如何確認捐贈來源的正當性,文史工作者鍾延威嘛來提出伊的看法

面對典藏來源可能發生的爭議,國立台灣文學館表示,事先事後攏會做好審查

濟濟前輩作家留落來的珍貴文物,得著妥善的收藏了後,欲如何推廣是後一步的重要工課,這陣台灣各地頭,計共有33間文學館;無論是地方政府、學校、猶是民間團體,攏真熱心咧收藏台灣文學佮文物。蘇碩斌館長也表示,台文館嘛當咧思考未來的資源整合和數位典藏,希望用閣較全面的視野來推動台灣文學。

相關新聞

專題|全台敬老金大調查