捷有囡仔誤吞 "巴克球"無合檢驗法上重罰150萬

經濟部標準檢驗局今仔日表示，這三年國內捌發生三件，三歲以下幼囡仔，無細膩共巴克球吞入去的案例。標準局已經佇2019年，共巴克球列入強制檢驗，重點管理的項目，毋過市面猶有無合規定的巴克球，業者若無佇限期內改善，上濟罰150萬。

一粒一粒，有吸鐵的細粒珠仔，叫巴克球，予囡仔激頭殼、也動手創作，不過遮的珠仔毋但細粒、吸力傷強，比標準值的50毫高斯較懸，若無細膩食落腹，後果嚴重。

經濟部標準檢驗局和消基會，2020年佇市面買15件有吸石的☒迌物，其中巴克球6件，是列管前的商品，因為吸力傷大、塑化劑超標、商品標示無清楚，無合消保法，其他4件有吸力的☒迌物，品質無合商品檢驗法，愛限期改善，無就愛回收。

提醒家長替囡仔揀☒迌物，愛看製造商、產地敢有詳細的中文標示，也愛特別注意☒迌物的使用年歲和警示，才會當予囡仔，耍了歡喜，也耍了安全。