用臺語文做宮廟宣傳 少年編輯望延續本土文化


有真濟人攏認為宮廟是較傳統的。毋過這馬有一位青年人「陳鴻輝」,伊使用臺語文設計真濟倚近生活的文案,閣透過網路社群平台做宣傳,予信仰和社會議題產生關聯,嘛希望少年輩對傳統信仰佮臺語傳承有較閣深的認捌。

投票箱和添油香、非洲豬瘟的議題、猶有掛喙罨預防新冠肺炎,用生活化的方式宣傳各種重大議題,遮的文宣創作者,攏是這位,佇傳統宮廟做網路社群編輯的陳鴻輝

陳鴻輝講,一般人看到神明壇攏感覺內底會有諞仙仔,伊希望用參一般廟宇較無仝的宣傳方式,予大眾知影,地方的神明壇對社會嘛是真關心,尤其伊嘛發見,真濟少年人想欲來參與,煞因為台語袂輾轉,佮傳統文化接袂起來

這陣廟宇教台語文引起注意,但其實佇古早時代,真濟宮廟有咧教冊,另外,真濟廟口的歌仔戲表演、壁堵彩繪,嘛有真深的教育意義

歷史悠久的民間信仰,欲按怎共頂一代的經驗和新一代的活力敆做伙?少年輩用新時代的方式,將傳統文化、本土語言囥來網路頂成功引起討論。


 

全台敬老金大調查

相關新聞