臺北新光病院.臺大合作 開發消毒機器人防疫

臺灣的病院，出現群聚感染了後。真濟病院當咧操煩，愛按怎加強防疫佮消毒，臺北市的新光病院這陣是佮台大合作，使用機器人做消毒，避免人佮人的接觸。

藍色的噴頭會當正爿倒爿踅，對門手等等較快生病毒的所在做消毒，這是新光病院佮台灣大學合作，研發的防疫機器人，會當利用遙控、設定路線來消毒，降低人工接觸的風險。

這台智慧機器人，會使針對較細節的部份，機動消毒，閣有偵測系統，會自動閃避人佮物件。若是範圍較大，閣有另外一台氣化裝置，對室內做大範圍的環境消毒。