真濟人攏會佇睏進、看手機仔,嘛予目睭不知不覺受著傷害,有清大教授表示,若佇烏暗的環境當中看手機仔,應該愛共螢幕的光線調予閣較暗,毋過上好嘛是較莫佇烏暗當中看手機仔。
佇睏進前看手機仔抑是3C產品,是真濟人的歹慣勢;嘛造成目睭的負擔,清大研究團隊發見佇烏暗的環境看手機仔,共手機仔螢幕光線調較暗,比佇咧烏暗中干焦開細葩電火,對目睭的傷害顛倒無遐大。
眼科醫生提出三項建議,就是「全面調暗」、「有效去藍」佮「減少使用」。其中共手機仔光度調暗,會使有效減少進入目睭的總體光線。
研究團隊閣發現,電火的光色,袂影響讀冊的清楚度,猶毋過會大大影響安全讀冊的時間,佮白光比較,黃光的電火球會使加長9倍的讀冊時間。
欲睏進前看手機仔 螢幕先調暗.減少目睭傷害
發布時間:
最後更新: