嘉義老樹"諸羅島榕王" 學生坐樹跤認捌地方史

嘉義市有一欉超過百歲的榕仔，叫做諸羅鳥榕王。最近有臺語兒童文學的出版社，共附近的國小學生呼來看這欉老榕仔，嘛聽榕仔的故事。

共囡仔紹介老榕仔的背景，閣分享榕仔公的故事，幼穎兒童臺語文學總編輯配合附近學區的國小學生，來社區踏查，予in學台語閣會當瞭解地方的歷史。

過去，這欉榕仔捌因為社會簽牌跋筊的風氣時行，彼當陣真濟人會來遮求明牌，閣加上諸羅松王公的故事，所以嘛成做學校鄉土教育的題目。

學校表示，透過社區的認捌，會應予囡仔咧學台語的時陣，對課本來佮生活環境做結合，予使用台語會當閣較生活化，嘛增加囡仔對在地文化的認同。