坐指定機逝按中國湖北轉來 229人解除隔離

4月21日，第二批按中國湖北，去上海坐華航的飛機轉來到台，彼2百2十9个民眾，隔離14工期間到，早起眾人已經自由離開囉。

這2百2十9个民眾，其中嘛包含今年才2歲，彼个心臟有症頭的幼嬰仔，3月彼陣，伊的親人也有出面，共政府請求欲緊倒轉來，tann今仔日透早，遮的民眾攏解除隔離，眾人四散開去。4月20、21彼兩隻飛行機，攏總有載4百6十个台灣人轉來，昨昏代先解除彼批民眾，干焦1个身體有症頭，經過另外1个親人陪伴去病院，剩的人也攏平安順序，各人自由離開囉。