日月潭落羽松轉紅 行步道.騎跤踏車欣賞景緻

日月潭，一年四季攏有無仝的風景，最近，落羽松開始反紅，民眾會當享受，行佇日月潭的步道散步、騎跤踏車，欣賞美麗的風景。



已經入冬矣，天氣越來越涼冷，綴氣溫的變化，南投日月潭的落羽松有的猶閣黃gim gim，有的開始轉紅，層層疊疊風景真媠。跟別位無仝的是，遮有一條環潭步道，真濟人來遮騎跤踏車抑是散步，哪運動哪享受沿途的風景。
==遊客==
因為我很喜歡看落葉
有的葉子變黃黃的
==遊客==
（覺得風景如何?) 漂亮
一半是要運動 一半是賞風景


觀光客來日月潭旅遊，蹛的所在有真濟選擇，有的揀大飯店，今馬在潭的邊仔閣有無仝款的選項。露營是最近家庭旅遊真受歡迎的方式，會當在大自然裡面，放慢生活腳步，欣賞落羽松的媠。

==觀光旅遊業者 高仕旻==
這裡是可以露營
價格的話 像大飯店假日都要破萬
我們這裡十分之一的價格
就可以讓你體驗露營的感覺




落羽松佇日月潭沿岸成做一幅有誠濟色水的圖，趁今馬天氣猶袂上寒，會當全家大小做伙來行行看看咧。

記者 綜合報導