若輕度風颱鳳凰繼續往東 應當是袂發佈海警

輕度的風颱鳳凰昨昏結起來囉，目前咱逐家上蓋關心就是，風颱敢會去影響著臺灣？中央氣象局估計，雖然鳳凰風颱會漸漸接近臺灣東南爿的海面，毋過若是照現時的方向一直去，欲發佈「海上風颱警報」的機會是真低。

因為早仔，「鳳凰」風颱的跤路有偏往東爿，氣象局就講，若是繼續按呢行無改變--者，是袂發布「海上警報」。／抑毋過，「鳳凰」若繼續較往西--過來，下晡到欲暗仔這縫，嘛是有可能會發布「海上警報」。／抑因為風颱鳳凰的影響，氣象局今仔日嘛針對台北、新北、基隆和宜蘭，發布「大雨特報」，自下半晡開始，到明仔載的中晝進前，風雨是上蓋峇，敬請北部和東半部的民眾，著愛特別斟酌。