#拜六禮拜
-
宜蘭摔大雨.蘭陽溪漲起來 有工程車牢佇溪埔
|受著西南風和低壓帶影響，宜蘭今仔日(8/20)早起落大雨，蘭陽溪規个漲起來，做工程的拖拉庫，煞牢佇葫蘆堵大橋下面的溪埔。 啊若南部也是咧落大雨，屏東市一間幼稚園，因為門口的地勢較塌，煞咧淹水，家長講誠無方便。 高雄左營旗山等所在，過去24點鐘內落超過100毫米，高雄氣象站提醒到拜六禮拜(22、23)中南部天氣無穩定，愛特別注意。（新聞標題、導言為台語文）
-
東北季風變強溫度降低 拜三北部上寒賰15度
|今仔日開始，是反冷了後、上強的冷空氣會影響台灣，北部、東北部、東部，會轉做烏陰落雨的天氣，溫度也會降真濟，東北季風的食風面，大台北地區、宜蘭會落大雨。冷空氣會佇拜三上強，北部、東北部，可能賰15度，中南部也只有17、18度，因為真溼，會感覺較冷寡，要等到拜六溫度才會回溫。（新聞標題、導言及內文皆為台語文）
-
這拜六禮拜台語認證考試 1.6萬人報名欲考
|這个拜六、禮拜（8/2-8/3）就欲考台語認證，這改攏總有1萬6千外人報名。原底教育部講，B卷欲改做電腦考試，後來考慮著報名B卷的人，有誠濟是序大，猶是維持用紙本來考試。（新聞標題、導言及內文皆為台語文）
