#不當管教
-
共幼囡仔飼愛睏藥仔 新北1老師涉傷害罪送辦
|新北市某一間幼稚園，傳出老師共囡仔飼愛睏藥仔的情形。警方已經共這个老師照傷害罪、妨害幼童發育罪嫌移送法辦。新北市教育局指出，若準老師確實有做，上重罰60萬，而且會通報系統，這世人攏袂使閣做教保員。毋過兒童福利聯盟認為，幼稚園不當管教是整體結構的問題，毋通治標無治本。（這條新聞標題、導言是臺語文。）
-
臺東3囡仔袂曉數學問題 老師共縛手涉強制罪
|佇臺東某一間國小，也有家長指控，有3名一年仔的學生，因為數學課的問題袂曉，雙手去予老師用索仔綁起來。目前這層代誌煏出來了後，老師請假無來；警方表示牽涉案件的老師已經依照強制罪函送矣。另外桃園某一間國小，有學生念毋著客語發音，去予老師要求罰寫拼音20遍，桃園教育局證實，有3位學生寫到半暝仔。(本則新聞標題、導言皆為臺語文)
-
高雄1國中教師涉嫌長期體罰 民團質疑校方掩護
|高雄鳳山有一个國中老師，予家長佮人本基金會指控，講伊用棍仔拍學生，閣會言語霸凌。這馬有一寡已經畢業的學生佮家長來投訴，講這位老師十外年來，會共人罵、共人拍，受害者毋但一个。人本質疑，校長咧掩崁、教育局嘛失職。毋過教育局表示，會要求學校擴大調查。
