房地合一稅2.0起鼓 今厝價煞愈懸.囤房愈嚴重

居住權團體參立委,今仔日召開線頂記者會。講著疫情期間,市中心以外的厝價顛倒衝懸,其中新北市的囤厝的數量上濟,可能是造成厝價降袂落來的原因。in也要求政府愛公開這10年來的資料,也愛推動社會住宅。

全國三級警戒加上七月房地合一稅2.O起鼓,厝價煞顛倒衝懸,有立委提出相關厝價指數,以新北市來講,各區攏起價,尤其 三鶯地區厝價因為捷運議題受惠,年變動率達到9%,是攑懸前幾名。

住商不動產企研室資深經理徐佳馨講,「高價區塊這馬來講利純並無濟,所以其實對一寡價數低的所在來講伊真容易加上有重大建設就會吸引一寡買方,抑是有資金者的轉進。」

青年連卵清區攏買袂起,但是有厝通囤的人煞愈濟,有立委照財政部最近公布的非徛家用房屋歸戶統計資料,發見新北市有欲7.2萬人,是全國上濟、內底閣較有千七人囤厝超過五間以上,另外根據內政部舊年底的住宅資訊統計彙報,六都的厝量新北市總共有169萬戶也上濟,in認為毋是厝無夠,是厝攏佇少數人的手中。

專業者都市改革組織秘書長彭揚凱表示,「愛有歷年的狀況,咱假使會當統計,過去十冬的狀況,伊飼蠓仔也無愛提來使用,我感覺這部份是愛透過囤厝稅的機制來做處理。」

居住權團體要求,政府應該通過囤房稅、也愛公開歷史非徛家佮徛家的資料。立委嘛認為著全力推動社會住宅,才通達到居住正義。

九合一選戰解析

相關新聞