疫情警戒袂當公祭.辦桌 餐廳.婚禮攝影無收入
發布時間：
更新時間：
疫情指揮中心進前公佈，出山莫公祭、結婚莫請人客的防疫措施。連帶影響著做喜事的相關產業，親像租新娘衫、餐廳、攝影等等的行業，也攏綴咧歇睏、無工課。
原本應該是替新人翕相使用的相機、燈光設備，因為無生理，只好趁這陣有閒提出來罔整理。專門替人翕結婚相片的業者表示，其實對四月底本土疫情拄開始的時陣，就有真濟人客選擇延期。
除了翕相業者，替新人化妝打扮的新娘秘書也仝款無工課，加上原底五月開始算是結婚的大月，大大影響婚禮相關產業的收入。
暫停婚禮舉辦，除了餐廳、辦桌業者受影響，猶有新娘餅、新娘衫業者、翕相業者參新娘秘書一連串的相關產業。加入工會的工作者，目前比照頂一遍的方式[[out資料畫面]]
領紓困補貼，但是嘛毋知影會當擋偌久，這陣只好行一步算一步，向望疫情冗早得著控制。
原本應該是替新人翕相使用的相機、燈光設備，因為無生理，只好趁這陣有閒提出來罔整理。專門替人翕結婚相片的業者表示，其實對四月底本土疫情拄開始的時陣，就有真濟人客選擇延期。
婚攝業者一馬:「疫情拄開始的時陣，人客就會煩惱，煩惱了後就足濟人無欲結婚，無欲翕結婚相片，有的是延期啦。你看政府這馬，發布三級警戒的代誌了後，到這馬得欲一個月矣，所以阮將近欲一個月攏無去做工課，嘛攏無收入。」
除了翕相業者，替新人化妝打扮的新娘秘書也仝款無工課，加上原底五月開始算是結婚的大月，大大影響婚禮相關產業的收入。
新娘秘書Silvia:「對五月中開始一直到這馬，這个時間點拄好干焦並年底大月，較減淡薄仔，大部份的新娘秘書參婚禮工作者，佇這一兩個月平均一個月會有六七場，甚至超過的工作量，但是對五月中開始差不多全部攏延期。」
領紓困補貼，但是嘛毋知影會當擋偌久，這陣只好行一步算一步，向望疫情冗早得著控制。
