真理大學麻豆校區的臺灣文學資料館，一月煏出換鎖風波，創辦臺文館的退休榮譽館長張良澤，煞無法度入館。透過教育部的協調，目前已經由真理大學成立9人專案小組，針對臺灣文學資料館未來的發展，進行討論。
當初換鎖風波，所致張良澤教授私人物件攏鎖注館內，張良澤表示目前伊的重要私人文件攏已經提轉來矣，其他資料才來沓沓仔整理，抑是留佇資料館嘛無要緊，毋過對學校向教育部提出的規劃案，伊認為，用兼職的方式做無工課，必須愛有專人處理
教育部回應，臺灣文學資料館的未來規劃，希望經過專案小組的討論，有共識了後，教育部會針對經費挹注提供協助
自頭就關心臺灣文學資料館發展的文化工作者鍾延威講，專案小組咧討論的時陣，嘛愛注意避免（pī-bián）校長兼挵鐘
教育部回應，專案小組有真理大學的三位代表、佮葉能哲前校長、張良澤教授、作家向陽、教育部專員、臺文館蘇碩斌館長、以及臺南文化局長葉澤山組成，討論過程一定充分尊重各方意見。共同協助台灣文學資料的保存佮推廣。