屏東土地公廟遷徙 千人用個半月完成徙廟
發布時間：
更新時間：
有百外年歷史的屏東潮州福安宮，因為占著車路，舊年底發動千外人做伙來搝大索徙廟，土地公伯的厝，今已經徙到新地點。廟方嘛有分享規个徙廟的縮時影片，人會徙岫，神明也會搬厝，有影誠趣味。
八條大索，一千兩百人做伙搝索仔，潮州福安宮徙廟是地方的大代誌，透過縮時攝影，一千兩百噸的廟，親像下底有裝輪仔，沓沓仔徙振動。
毋但徙位四十米，規間廟閣轉向90度，經過個半月的時間，徙來新厝的所在，這馬福安宮已經順利安座。
原底的福安宮是樹仔跤的細間廟，廟方欲改建較大間，煞佔用都市計畫的車路，予人檢舉，佳哉揣著邊仔這塊地，來做土地公的新厝，本底的細間廟猶原佇樹仔跤，新廟安座了後嘛愛繼續裝潢。
福安宮徙廟總算是圓滿解決，公所嘛希望未來遊客會當來遮旅行參拜，成做潮州一个新的景點。
八條大索，一千兩百人做伙搝索仔，潮州福安宮徙廟是地方的大代誌，透過縮時攝影，一千兩百噸的廟，親像下底有裝輪仔，沓沓仔徙振動。
毋但徙位四十米，規間廟閣轉向90度，經過個半月的時間，徙來新厝的所在，這馬福安宮已經順利安座。
原底的福安宮是樹仔跤的細間廟，廟方欲改建較大間，煞佔用都市計畫的車路，予人檢舉，佳哉揣著邊仔這塊地，來做土地公的新厝，本底的細間廟猶原佇樹仔跤，新廟安座了後嘛愛繼續裝潢。
福安宮徙廟總算是圓滿解決，公所嘛希望未來遊客會當來遮旅行參拜，成做潮州一个新的景點。
823公投》重啟核三，你怎麼看？
