寫總統府春聯 少年書法家王意淳說創作過程
發布時間：
更新時間：
總統府最近發表2021年的「牛轉乾坤」春聯這四个字，其實是少年書法家王意淳所寫。新正過年前，伊轉來嘉義教學弟妹按怎來練毛筆字，也分享伊創作過程。
專心咧教國中的學弟佮學妹寫毛筆，甚至親身寫予in看，王意淳雖然毋是學校的老師，猶毋過伊所寫的字，予總統府選做今年送予民眾的春聯。
這馬閣咧讀臺灣藝術大學的王意淳，是嘉義市蘭潭國中畢業的校友，嘉義市政府教育處表示，因為王同學的作品予總統府選作2021年春聯創作書法家，所以學校特別邀請伊轉來，分享創作的經驗。
為欲予學生了解書法藝術愛注意的所在，王意淳也現場寫真濟春聯予學弟妹看。伊鼓勵學生，佇目前國中階段，要共基本功夫先練予好，才閣來思考作品當中，欲怎樣來表達家己的想法佮個性。
專心咧教國中的學弟佮學妹寫毛筆，甚至親身寫予in看，王意淳雖然毋是學校的老師，猶毋過伊所寫的字，予總統府選做今年送予民眾的春聯。
這馬閣咧讀臺灣藝術大學的王意淳，是嘉義市蘭潭國中畢業的校友，嘉義市政府教育處表示，因為王同學的作品予總統府選作2021年春聯創作書法家，所以學校特別邀請伊轉來，分享創作的經驗。
為欲予學生了解書法藝術愛注意的所在，王意淳也現場寫真濟春聯予學弟妹看。伊鼓勵學生，佇目前國中階段，要共基本功夫先練予好，才閣來思考作品當中，欲怎樣來表達家己的想法佮個性。
