路燈影響司馬庫斯生態 清大教授研發OLED改善

新竹縣尖石鄉司馬庫斯部落,最近因為觀光發展,開始安一寡大型路燈;路燈的光線會唌一寡蟲豸過去,顛倒害死亡。清大的研究團隊,就利用OLED技術,代替傳統LED,才予部落的生態漸漸仔恢復。

司馬庫斯部落因為所在偏遠,一直到1979年才有電通用,捌予人稱做是「烏色部落」,後來因為觀光發展,有電矣,嘛煞對當地生態環境造成影響。

後來部落家己發起製作適合在地環境的路燈,想欲減少生態衝擊,猶毋過電火球的光源嘛是會吸引蟲豸。一直到清大教授研發出OLED燈仔,才解決問題。

285葩親像花蕊的電火毬,已經佇舊年送來部落,目前攏已經裝好勢,這馬無論是山頂的小路,抑是居民蹛的厝附近,攏看會著。

這項技術佇部落的應用,今年得到台灣光環境獎的特別獎,教授也期待透過這項技術,予社會大眾對友善光環境閣較重視。

全台敬老金大調查

相關新聞