文策院佮民間合作 助臺灣戲劇拍入國際市場

這幾年臺灣袂少原創戲劇，親像:返校、咱佮惡的距離、通靈少女等等，攏有袂䆀的成績，為欲鼓勵臺灣優秀的作品，通捒入去國外市場，文化內容策進院、接接民間團體，希望會當佮國外的企業合作，若有成功，閣有上懸美金30萬的鼓勵金通好領。

家庭故事，空課場生活，懸疑推理劇，猶有LGBTQ的題材，猶佇開發階段的原創作品，佇今年的創意內容大會欲佮濟濟國際媒體接接，若是有提著合作案，文策院閣會疊價，提供上懸30萬美金的國際合資合製鼓勵方案

台灣有豐富多元的原創題材，像是故事小說，báng-gà繪本，報導文學，詩集等等，向望整合匯流出版作品，予來自台灣遮的故事，啟動內容製造的產業力

這改的合作，除了金馬創投會議，閣有台灣LGBTQ線頂影音平台，GagaOOLala，這个平台嘛是台灣頭一个全球化的OTT平台

文策院表示，今年有22个國家參加這場大會，海內外投資數量和舊年比加3倍，會透過線頂，和創作團隊接接商業合作交易。