青年人運用排灣族圖樣 畫雨傘推動原住民文化

屏東三地門有一个部落青年，伊真愛畫圖，用畫筆將排灣族的圖，畫佇雨傘頂懸，希望會使用家己的方式，推動排灣文化。

一筆一畫，佇雨傘頂頭畫出排灣族服飾雲肩的圖案，無仝的花草代表各種的祝福，屏東三地門鄉口社部落的少年家潘泓講，這是排灣族人佇生活中實現美學的一部分，為著畫遮的圖案，伊也下真濟工夫。

潘泓費心神向部落的長輩請教，了解逐个花草背後的故事和意義，伊也共遮創作的作品號做雨傘的祝福，閣邀請部落的長輩來欣賞。

一支一支美麗閣代表排灣族文化的雨傘，是排灣族人潘泓對家己文化的熱愛，也是重新再現族群故事的方式，望閣較濟人收著這份雨傘的祝福。