5G釋照今日結標 總標金衝到1380億

網路已經進展到5G的時代，閣來用5G的新技術，看影片、傳資料攏會加真緊。主管機關開放予電信業者，眾人來標權利的5G頻道，早起已經段落。上蓋熱門的3.5G Hz的這縫，中華電信喝到超過4百5十6億，提著90M Hz的權利，第一占贏。／閣來是遠傳、台灣大和台灣之星這幾間，亞太電信佇咧這縫是退出，無爭取。

5G標權利的作業時間，按舊年12月初10開始，一工喝價10回合，今仔日進展到第2百6十1回合，抑主管機關NCC，本底按算的標金是4百4十億；毋過上蓋價值的3.5 GHz這縫頻道，這擺干焦開放2百7十M Hz，也因為按呢生，造成五間電信業者全無相讓，價格一直喝懸去。／NCC嘛煩惱講，別日仔手機仔電信的費用會一直蒸起去，所致再三呼籲8業者著愛「理性、冷靜」，到甲今仔日，總也來順序踏擋，結束競標。／5G的權利標完了後，拍算今年的年中，就會開始運轉。