屏東高樹蜜棗評鑑賽 梁立定得著冠軍

屏東縣高樹鄉，是蜜棗出名的產地。高樹鄉公所逐年都會辦蜜棗評鑑的比賽，通予農民眾人來交流，研究種作的技術／今年的冠軍是一个名叫梁立定的農友，抑伊講家己的撇步就是用草生栽培，才有種出遮爾大粒，甜度閣遮懸的蜜棗。

這寡青錦錦閣金滑的蜜棗，看起來真好食款。這是屏東高樹鄉公所舉辦的蜜棗評鑑賽，總共有36个果子農參加，做伙評比甜度、重量、外觀和口感，上尾是梁立定得著冠軍。

==高雄農業改良場研究員 邱祝櫻==
品種是高雄8號珍寶
它的特色是
果重平均大約有180公克
果色亮麗有光澤
像上蠟一樣
還有就是 它的甜度將近14度


高樹鄉種蜜棗的面積欲400公頃，占屏東縣7成，會使講是蜜棗的故鄉。梁立定自10外冬前，對種薰葉換種蜜棗。伊講，欲種出口感脆，甜度倚14度，粒頭袂輸是青色蘋果的蜜棗，伊的撇步就是用草生栽培。

==高樹農友 梁立定==
改成草生栽培
就是雜草現在沒有在做那個
噴灑農藥
然後就是讓草生這樣子
跟棗子園一起共生


高樹鄉公所透過蜜棗評鑑賽，提供農民交流的機會。這陣蜜棗大出當著時，鄉公所嘛講，希望消費者揀果子的時，會使加選擇蜜棗，同齊支持用心種作的農民。

記者 綜合報導