不滿婦聯會主委予人撤換 辜嚴倬雲提告受駁回

舊年12月，內政部處份講中華民國婦女聯合會，辜嚴倬雲主任委員的職務愛撤除。尾仔會內改選，捌做過立法委員的雷倩出來做主委。辜嚴倬雲嘛真不滿，提起行政訴訟，要求內政部撤銷原底的處份，毋過臺北高等行政法院早起是判決講，這項請求駁回，這條案猶閣會當上訴得。

舊年，「婦聯會」因為佇咧戒嚴時代，敢是國民黨手下的組織，引起社會的議論。／本底「不當黨產處理委員會」，要求婦聯會著愛簽「行政契約」，煞予對方拒絕，抑內政部嘛宣布，將辜嚴倬雲主任委員的職務撤換掉，致使伊出來主張講，這已經損害著名譽，才來提出告訴，要求內政部撤銷處分，閣有「婦聯會」，嘛向法院提出相像的要求。／抑內政部是主張講，欲調「婦聯會」共民眾khioh錢去勞軍遐的資料，in也毋提供，這就是妨害公益，抑早起法院就判決講，婦聯會這頭，敗訴。