臺中監獄組織團隊做花燈 連紲3冬得著冠軍


每一年的臺灣燈會是民眾真期待的活動,來看已經提著三年花燈冠軍的臺中監獄花燈團隊,這寡成員毋捌受專業訓練,毋過煞真有才華,做出真有創意的花燈,今年也會做3座大型的花燈,做伙來欣賞。



逐年的台灣燈會攏會涎國內外,上百萬人來參觀,這寡花燈攏是無仝人的作品,上捷看著的是學生囝仔的創意作品,毋過有一個特別的團隊,已經連紲提著三年,機關組的冠軍。



īn是台中監獄的燈王團隊,團隊內底的成員無受過專業訓練,攏是靠家己一點一點摸出來的。因為賣毒坐監的小汪,己經加入燈王團隊兩年,逐工用手咧凹鐵絲,焊接花燈的骨架,規雙手是傷痕累累。

==收容人 小汪==
每天都會因為鐵絲割傷手
或是被電焊燙到
每天都會有燙傷或割傷
受傷的情況


欲做出一座大型的花燈,上少愛三個月,對畫設計圖開始,打版仔,牽電火到上尾仔噴漆,共花燈妝予媠媠,攏是手工做的。成員之間互相研究,越做越心適,慢慢仔找出方法,用經驗創做出一年比一年更好的作品。

==收容人 阿傑==
那時候比較沒有經費
有時候拿內衣來多少黏一下
就這樣學
主管找資訊跟我們講
講完我們再下去摸索
==台中監獄花燈班工廠主任 陳峰政==
過去的經驗慢慢累積出來之後
燈王的作品
會在細節方面更加的要求


對四年前成立到今,台中監獄的燈王團隊,對啥物攏無,到今馬已經成功三連霸,毋但已經掌握到做花燈的眉角,作品越做越幼路。台中監獄,今年預計欲推出三座大型花燈,敢會有閣較創新的齣頭,真值得期待。

記者 綜合報導
 

九合一選戰解析

相關新聞