雲林土庫農會特色成做禮盒 推廣農特產

雲林土庫鎮農會上蓋出名的，就是有一个真有歷史的八角倉庫，農會供銷部就想著用八角倉庫來做禮盒仔。毋過因為八角禮盒做法較厚工、真困難開發。農會希望透過這个有代表性的禮盒，會使予閣較濟人了解土庫在地的特色。

欲用這塊紙枋，拗做八角形的的禮盒仔，實在是真厚工。嘛因為雲林土庫鎮農會有一个真有歷史的八角倉庫，所以供銷部就想著欲用市面上較罕見的八角禮盒，來行銷在地農民的農產品。

==土庫農會供銷部員工 謝坤志==
可是還是還蠻難折的
都還蠻難做的
因為有去詢問啦
都大部分都是在六角
有辦法做到六角
很少做到八角
所以還蠻費時的


農會員工講，當初時，伊就是坐咧八角倉庫對面這搭，才雄雄想著會當用八角倉庫，來做農會上有特色的禮盒仔。彼時陣伊是揣真濟廠商，才有人願意鬥開發。而且，欲做出一个八角倉庫禮盒仔，就愛共一塊紙枋仔拗出八个角，干焦拗紙的時間就開欲十分鐘以上。毋過伊講，為著農會和農民，毋管外困難攏愛克服。

==土庫農會供銷部主任 陳特凱==
活化這個八角倉庫的期間
我們就突發奇想
把古蹟跟產地農作 做一個結合
有鵝油香皂 有蜂蜜 有黑蒜頭
黑金剛 還有一個土雞肉鬆
這些產品都是青年農民
他們所生產出來的優質商品


掀開八角倉庫的蓋，會使看著在地農民生產的農產品。這內底每一項當然攏會使分開賣，毋過，若想欲提懸經濟價值，拍開無仝的市場，產品的包裝就真重要。

==土庫農會供銷部主任 陳特凱==
我們會配合縣政府
持續不斷地在一些都會區
甚至到國外 做一些銷售推展


這幾冬來，土庫鎮農會一直製作有特色的禮盒仔，來包裝在地的農特產。雖然這个禮盒的開發過程真辛苦，成本較懸閣真厚工，不而過為著欲推廣農產品，農會是下真濟苦心，嘛向望這八角的禮盒仔會使提懸土庫的名聲。

記者 綜合報導