#潤餅皮
-
清明食潤餅 民眾三更暝半排隊搶買潤餅皮
|有一寡所在的風俗，佇清明愛食潤餅，這陣潤餅皮、潤餅kauh的生理上好。屏東有一間做潤餅皮的店，半暝就開始賣，另外一間賣潤餅kauh的，民眾愛排隊排三點鐘才買會著，雖罔潤餅皮的價數有起，清明一年才一改，逐家猶是會買。
-
國內減生產.進口原料起 金銀紙價數起欲一倍
|清明欲到，真濟人攏會去培墓。毋過最近這物件攏一直咧起價，連這拜拜愛燒的金紙也起欲到一倍。另外有的人的風俗，佇清明會食潤餅，毋過這潤餅皮也欲起價，有的所在對一斤150起到200箍。
