臺南華德里社區一直咧拚勢做囡仔繪本，到今出版第九本。今年社區序大以兩性平權做主題，閣有結合臺語文。團隊嘛實際去國小做推廣，向望共性別平等的教育，對囡仔就開始釘根。
臺南華德里社區、一直咧拚勢做囡仔繪本，到今出版第九本。今年社區序大、以兩性平權做主題，閣有結合臺語文。in嘛實際去國小做推廣，向望共性別平等的教育、對囡仔就開始釘根。
里長佮細漢囡仔大大聲唸台語詞彙，透過情境式教學，予囡仔知影頭路無分性別的相關智識。現代社會，性別平等教育逐家攏真重視，臺南華德里社區為著欲共正確觀念向下釘根，毋但做繪本爾，閣實際去學校推廣。其中，冊內五花十色古錐尪仔的圖樣，唌學生注心學習，逐家嘛足心適咧探討未來欲啥物行業。
臺南市大港國小學生表示：「我想欲做修理車的人，會當共人修車。」
臺南市大港國小學務主任鄭素君表示：「對細漢開始釘根，對未來的正確觀念，其實有真大的重要性。」
華德里社區序大對108年開始做繪本，IN每冬攏會串聯文化、教育佮環保等元素，到今出版第九本。這擺IN用兩性平等，工課無分查某查埔做主題，頭擺結合臺語文來出版。在地序大講，畫繪本予IN做議量，嘛兼認捌羅馬拼音、激頭腦。
華德里長宋藍美玉表示：「囡仔敢若攏袂曉講，我感覺講，這臺語是咱的母語語言，必須愛執行(傳承)。」
在地序大表示：「
莫去排斥做工課，畫這就是按呢，這馬(查某)比查埔較厲害，比查埔較猛掠，閣加會使服務遮的用戶。」
台灣的繪本市場，近來民間嘛有濟濟單位自主性創作本土繪本。社區按算欲印兩百本，送予各區偏鄉的學校，提供囡仔講母語學習繪本的內涵。