注心研究臺灣王爺文化 美籍研究員提著學術獎
鄭雅文 林郁凱 / 臺北報導
發布時間：
更新時間：
佇中央研究院近代史研究所，有一個特聘研究員，他是美國人，叫做--康豹。他因為注心咧研究咱臺灣的王爺文化，共王爺文化國際化，頂日仔得到教育部的學術獎。伊對王爺信仰真熱情，毋但深入研究、嘛積極推廣，連伊的外號也予人叫做王爺。(本篇新聞標題、內文、導言皆為臺文)
特聘研究員 康豹：「你看這，伊無咧講話，彼个面就真恐怖。」
掀家己的冊，中央研究院近代史研究所特聘研究員康khng豹，毋但熱愛2王爺信仰G、外號也號做王爺。伊講頭改接觸這，是40幾冬前佇臺南西港的燒王船，彼時予伊印象真深。
特聘研究員 康豹：「童乩拍甲流血，閣有道士、司公、燒王船，我就感覺這是臺灣人較早面對疾病的一个應變，所以我真想欲研究歷史的轉變。」
王爺是台灣民間重要的信仰，康豹因為對疾病佮人類歷史有興趣，發見王爺繞境是一个懺悔的儀式，嘛因為有興趣，注心投入研究。也捌去屏東東港做田調，佮在地陣頭跋感情，除了學臺語，也綴咧啉麥仔酒，甚至愛啉金門高粱、食海產攤，比臺灣人閣較有臺味。伊也認為，其實臺灣的文化、咱少年輩也真支持。
特聘研究員 康豹：「這馬臺灣的少年人也開始對家己的家鄉有認同感，你莫掠準較早的少年人捌，伊嘛毋捌！大概就是慣勢，時間到矣就會參加(燒王船)。」
毋但是臺灣囝婿，康豹也像臺灣人。4/17佇教育部所舉辦的獎項，康豹對行政院長陳建仁手中提著學術獎，因為伊將臺灣宗教信仰帶去國際，這位美國籍的教授笑講，會當佇臺灣做這種研究，真正是佮王爺真有緣。
買湘瑩/編輯
