嘉義"全民科學月" 招偏鄉學生.長輩鬥陣耍科學 | 公視新聞網 PNN

嘉義"全民科學月" 招偏鄉學生.長輩鬥陣耍科學

為著推展科學教育,嘉義大學連紲7冬,配合嘉義縣政府辦全民科學月的活動,這遍計共17个鄉鎮,55間學校參加,而且超過一半攏是偏遠地區的學校,毋但學生感覺心適,序大嘛耍甲誠歡喜。

社區的序大做關主,國中學生挑戰各種關卡,嘉義縣為欲推動全民科學教育,邀請嘉義大學、永慶高中等單位,設計各種科學常識的挵關遊戲,予學生佮社區序大那耍那學。

嘉義縣所在闊,對阿里山到東石海邊,誠濟學校的資源有限。縣政府透過大學的資源來推捒科學教育,佇17鄉鎮55間學校輪流舉辦,提供偏鄉的學生、老師佮社區序大做伙學。

嘉義縣全民科學月的科學教育活動,已經舉辦第七冬,55間參加的學校嘛安排時間家己來舉辦。主辦單位表示,第一場義竹國中佮社區序大的合作方式,予科學教育閣增加社區參與,嘛創造親子共學的學習機會。

相關新聞

留言區