24H直播

過年買花轉厝添喜氣 鼓吹花.焦躁花上濟人交關

發布時間: 更新時間:
真濟人最近趕欲上花市,想欲買一寡仔花囥佇厝裡過年。臺北內湖的花市嘛是人客插插插,有店家表示,這幾工的生理是加真好。

內湖花市四箍圍仔,過年前熱鬧刺刺,警察無閒咧做交通管制。花市內底揀花、買花的人閣較是袂少,欲倚過年矣,真濟民眾真佮意花的香味佮喜氣。

頭家講,這站仔逐家較會注文的,就是菊花、百合等等,色水較大範的,有招財意義的花也誠搶市。花市內底除了買鮮花,焦燥花也誠濟人去交關。

頭家講,這馬有誠濟長輩會買進口包裝好勢的鮮花轉去拜拜,算是一種傳統形態的改變。另外,大年初三是西洋情人節,粉粉紅紅的花蕊嘛真受歡迎。觀察花市內底,毋但有歲的序大愛來,嘛有袂少少年人來踅,花市這爿一直至二九攏是24點鐘營業,有需求的民眾會當參考。
您的參與,
讓公共服務更完整!
閱讀、按讚,就能客製您的專屬推薦新聞
本網站使用 Cookie 技術提升體驗,詳見服務條款。繼續瀏覽即代表同意上述規範。