臺灣防疫國際肯定 民團主張順勢重入聯合國

 
聯合國到今成立75年矣,臺灣過去、捌有27年用中國代表權席位的名義加入。毋過自1971年,臺灣退出聯合國到今已經欲50年。就有民間團體認為;臺灣愛佮美國保持關係,踏著這擺防疫成功的好時機,重新加入

武漢肺炎疫情猶袂擋恬,台灣雖罔佇這擺防疫表現受著國際肯定,也有世界攏誇獎的健保制度,不過欲進入聯合國定受中國打壓,台灣聯合國協進會理事長涂醒哲,認為台灣愛強化和美國的關係,踏著這ê時機,重新加入聯合國。

不過國民黨是主張以國號中華民國的名義,重新轉去聯合國,前國民黨青年團總團長林家興佇這個月發起「ROCUN 返聯特攻隊」聯署活動,閣將台灣國旗刊佇"華盛頓郵報",就是希望佇聯合國大會開議期間,予世界看著台灣。

欲按怎進入聯合會藍綠意見雖罔無仝,不過攏希望收集閣較濟民意,予世界看著台灣人民有民主和團結的心,希望早日參與國際事務,貢獻咱佇健保醫療的專長。

全台敬老金大調查

相關新聞