嚴詠能追思音樂會 親友.歌迷唱歌相送


打狗亂歌團主唱嚴詠能,這個月初5,雄雄佇舞台頂過身,伊的親人佮朋友、今仔日用音樂會方式,來共伊相送。因為嚴詠能、在世的時陣誠愛鬧熱,親情朋友佮伊的歌迷,攏用歡喜唱歌的方式,來懷念疼惜土地的歌手嚴詠能。
 
陳明章溫暖的歌聲,親像嚴詠能猶原在世唱歌,只不過這場特別的音樂會,換逐家唱歌予伊聽。

董事長樂團嘛用歌聲來懷念in永遠的兄弟,in已經約定後世人閣欲做伙做音樂。

打狗亂歌團,予逐家閣再一擺欣賞嚴詠能的歌,參加音樂會的親情朋友和民眾,做伙快樂喝聲、唱歌,閣有這陣對非洲來的囡仔帶來非洲詩歌,嚴詠能5號佇萬丹舞台昏倒煞來過身,上蓋毋甘的就是in牽手,毋閣伊對嚴詠能猶是感謝佮祝福。

音樂會進前,文化部長李永得代表總統頒發褒揚令予家屬,家屬講,今仔日是嚴詠能人生的畢業典禮,相信嚴詠能只是去另外一个的舞台,繼續唱伊上愛的歌謠。

相關新聞

專題|全台敬老金大調查