推廣本土文化 臺南水錦歌劇團開課教人搬戲

臺灣的傳統戲曲漸漸咧稀微。為著推廣本土文化,台南的水錦歌劇團開課教做戲,希望予閣較濟人佮意歌仔戲。

老師指導學員練習發聲,頭起先丹田就愛出力,咧唱歌仔戲的時才通唱予大聲閣響亮。像這款學歌仔戲的機會也無定定有,所以學員也把握時間認真學習。

為著欲保存咱的臺灣文化,臺南的水錦歌劇團,除了平常時演出,也願意全臺灣走透透,教學員唱歌仔戲,團主也親身示範歌仔戲小生的跤步手路。

團主表示,伊從細漢就咧做戲,對傳統戲曲也真有感情,捷和團員四界去表演,也願意和有心欲推廣臺語文化的團體做伙拍拼。

雖然這歌仔戲的課程才三工爾,毋過學員是學甲真有趣味,也予in閣較了解歌仔戲的內涵和代表性,未來做伙來保存咱臺灣的本土戲曲。

全台敬老金大調查

相關新聞