逐冬3.4月仔，天氣漸漸開始燒熱，也是春仔茶收成的日子，佇咧南投竹山、的照鏡山，今年是並別位仔，較早收成。農民講:今年拄仔好有雨水，春仔茶的產量有較濟，品質也較穩定。

佇南投竹山鎮的照鏡山，遮的挽茶工踮茶園內底，跤手是誠扭掠那聽音樂那向腰咧挽茶。

春茶若欲好啉，著愛有濟濟的雨水，予茶葉會當好好仔生長，按呢佇咧啉茶的時，才會有清芳的氣味佇喙內散開，予人不時都會數念這款好滋味。

今年拄仔好有落雨，予茶葉的產量佮往過比起來是加較濟，品質嘛誠好，這幾工就挽袂少茶，茶農是誠歡喜講今年有好收成。

若講著欲做春茶的採收，除了氣候的因素，閣著看地形。這陣咧挽春茶的照鏡山，是低海拔（kē hái-pua̍t）的山崙（suann-lūn），佮其他的高山茶比起來，算較早收成，嘛成做是地方的一款特色。