日本本州島中央，群馬縣佮長野縣佮界淺間山，昨昏日本時間暗時10點8分，發生小小的"火山噴發"；政府當局嘛有即時加強"火山四邊的警告"，開始管制眾人入山。

射出光芒的這支山就是"Asama-yama"，噴出火舌了後，政府當局嘛將"火山四邊的警告，按上低這級的"注意"，提升起來到三級，會開始管制入山，嘛呼籲方圓四公里內的民眾，愛特別持防火山噴出來，規大片的燒風、烏煙佮坱埃。日本氣象廳講表示，這擺的噴發頭尾有20分鐘的久，火山的烏煙高度超過1800公尺，風勢是ann東北爿，新潟縣、群馬縣、長野縣遮的地區，攏有可能會去承著火山灰，民眾著愛特別注意較有影。