新北162例又閣上濟 侯友宜贊成綴基隆大篩檢

新北市長侯友宜講,「你這馬是第五工矣?你今仔日有做快速篩檢無?」

新北市11開始試辦居家照護計畫,也將檢疫隔離關懷中心升級做Covid-19居家照護關懷中心,29个區公所也同步成立區級關懷中心,隨時協助居家照護者。毋過將輕症、無症狀者留踮厝,猶是有無仝的聲音,驚有社區風險。

侯友宜表示,「我相信無人會願意確診,咱攏愛用包容體諒,支持的方式,逐家做伙來面對。」

侯友宜表示,會用電子圍籬、做好環境消毒,降低周邊感染風險。面對中央11也宣布配合輕症踮厝參藥局配合的原則,藥師公會全國聯合會12也佇線頂討論,表達全台地方公會攏願意配合,預計全台會有3成健保藥局參與。

藥師公會全聯會理事長黃金舜表示,「毋管健保藥局的藥師用啥物方法,24點鐘以內,一定愛送到這个民眾IN兜的門跤口,翕相並且敲電話予民眾。」

藥師公會全國聯合會補充,到厝送藥仔的部份,以慢性病用藥需求佮予輕症病人緩解的用藥為主,另外也將建議各鄉鎮市區,至少愛有一間家藥局提供服務。

相關新聞

專題|全台敬老金大調查