6/20國際難民日 民團促政府緊立難民法

6/20是國際難民日，臺灣人權促進會，佮國際特赦組織，6/17召開記者會，講臺灣的難民法已經延延15年，應該愛緊完成立法，才會使遵守國際法的「莫共遣返」規定。

來自伊索比亞的Tesfay，佇台灣讀博士，踮佇台灣超過三年，伊的故鄉對舊年開始內戰，但是伊佇明年九月就欲畢業，希望會使佇台灣尋求庇護。伊講佇台灣，有仝款狀況的衣索比亞人，有幾十个。
  國際特赦台灣分會表示，就算咱毋是聯合國的成員，嘛猶未立難民法，但是不遣返原則是國際強行法，應該愛遵守。
  台權會講，難民佇台灣無合法的身份，喙罨徛名制、超市實聯制等等對抗疫情的政策保護措施，in攏無法度使用。呼籲這改政府莫閣耽誤佇台灣已經延延15年的難民法立法。