疫情影響 會考成績單延後1禮拜.6/11寄發

因為國內的疫情當嚴重,國中會考改考卷的場所,防疫措施嘛閣較嚴格,所以分數會較慢出來,成績單延後1禮拜,6/11才會寄出來。這个調整嘛影響著高中佮大專的招生,所以今仔日宣布講招生的時間表嘛延後1禮拜。

配合會考的成績單會較慢寄,高中免考試入學停止報名的日子延到7/6,7/13公布成績,7/15報到。抑若是"特色招生考試",嘛調整做6/23到25報名,6/27考試。猶閣有其他相關考試、調整過的時間表,攏會當佇網路頂查著。

九合一選戰解析

相關新聞