新竹1鐵工廠不時傳臭味 居民搝布條仔抗議

新竹縣一間鐵工場,因為生產白鐵仔的關係,空氣中定定會排出鑿鼻(tsha̍k-phīnn)的塑膠味,蹛佇附近的社區民眾,4/21來到工場門跤口抗議。

抗議布條頂懸訴求欲共新鮮空氣討轉--來,新竹縣新埔這間鐵工場附近的居民,欲暗仔定定鼻著對工場排出來的臭味,而且這款情形已經誠久矣。

民眾講工場應該愛照規定,設置閣較好的空氣汙染的防置設備,針對民眾疑慮鐵工場表示,有想辦法降低所產生出來的臭味,猶毋過目前實在揣無法完全改善,頭家講紲落來in會繼續想辦法,解決臭味的問題。

面對民眾的訴求,新竹縣環保局表示,會定期到現場稽查,若是有違反空氣污染防治法第24條規定,會使罰10萬以上、2,000萬以下的罰款。

相關新聞

專題|全台敬老金大調查