真理大學臺文館換鎖風波 今專案小組討論未來發展

真理大學麻豆校區的臺灣文學資料館,一月煏出換鎖風波,創辦臺文館的退休榮譽館長張良澤,煞無法度入館。透過教育部的協調,目前已經由真理大學成立9人專案小組,針對臺灣文學資料館未來的發展,進行討論。
 
真理大學麻豆校區的臺灣文學館,今年一月煏出校方雄雄換鎖的風波,引起議論,落尾教育部請真理大學組成專案小組,內底包括張良澤、佮教育部、文化部、真理大學代表,進行討論。目前分做兩部份,第一是需要緊急處理的建築物修繕,閣來是資料館未來的發展規劃。

當初換鎖風波,所致張良澤教授私人物件攏鎖注館內,張良澤表示目前伊的重要私人文件攏已經提轉來矣,其他資料才來沓沓仔整理,抑是留佇資料館嘛無要緊,毋過對學校向教育部提出的規劃案,伊認為,用兼職的方式做無工課,必須愛有專人處理

教育部回應,臺灣文學資料館的未來規劃,希望經過專案小組的討論,有共識了後,教育部會針對經費挹注提供協助

自頭就關心臺灣文學資料館發展的文化工作者鍾延威講,專案小組咧討論的時陣,嘛愛注意避免(pī-bián)校長兼挵鐘

教育部回應,專案小組有真理大學的三位代表、佮葉能哲前校長、張良澤教授、作家向陽、教育部專員、臺文館蘇碩斌館長、以及臺南文化局長葉澤山組成,討論過程一定充分尊重各方意見。共同協助台灣文學資料的保存佮推廣。

相關新聞

專題|全台敬老金大調查