國運籤來由 專家指廟寺佮媒體製作產生

新正年頭，真濟宮廟會抽「國運籤」，甚至各行各業一年運勢的籤詩也會抽。有民俗專家表示，若照傳統來講，宮廟抽出來的籤、分做:公籤佮四季籤，這兩種，這馬大家攏咧關注、國運籤，其實這是宮廟佮媒體合作，欲製造話題而已。

每年新正，真濟宮廟會抽國運籤，嘛因為按呢，當年度抽出的籤詩按怎解說，也會引起真濟討論，毋過有民俗專家表示，傳統宮廟抽的毋是所謂的國運籤，是代表當地狀況的公籤佮四季籤，鹿耳門天后宮總幹事嘛表示，國運籤毋是正式的名

民俗專家指出，按照傳統民俗，宮廟會抽出四季籤佮公籤，來代表當地的狀況；公籤是預測海潮、漁業、農業等等的自然運勢，四季籤是預測在地一年四季的社會情勢。這兩種籤長久以來成做當地民眾行事的根據。

溫宗翰嘛認為，公籤這馬會變做大家所講的國運籤，其實是宮廟佮媒體合作出來的產物。

專家提醒，宮廟的公籤佮四季籤，原底是根據各地的需求發展出來，佮在地較有牽連，無一定會當代表規个國家的情形。公籤、四季籤、國運籤的緣由（iân-iû）佮變化，希望民眾會當有閣較深入的認捌。