海保署.藏水沬人員做伙摒海底糞埽 漁網占上濟
加入公視會員，
按讚收藏你關注的報導
發布時間：
更新時間：
海洋保育署佇舊年底和藏水人員合作，佇屏東東港溪佮高屏溪出海口摒海底糞埽，過程是誠困難；清出來的糞埽，上濟是漁網仔，閣有一寡玻璃和罐仔。
藏水員佇東港溪出海口的海底，趕緊先共索仔固定，人那搝索仔那開始揣看佗位較垃圾，毋過海水實在真濁。
毋但海水真濁，出海口的海底嘛真坎坷，藏水人員愛細膩，看著塑膠袋仔、玻璃罐仔、鐵鍊仔攏愛抾，上濟就是這種大型漁網，定定看著魚仔蟳仔予纏牢，誠毋甘。
若是發現大型漁網，有時愛切斷縛起來，等浮來海面才閣處理，欲清海底糞埽真困難，毋過舊年底，民間團體調查，台灣西部海岸八个出海口，海底糞埽的密度是全球平均的1.5倍，因為寒天北部天氣䆀，海洋保育署最近才針對高屏這兩个所在先清理，出動20擺，清出7.21噸的糞埽。
海保署表示，遐爾濟佇海面看袂著的糞埽，其實攏是民眾生活中的使用品，人工清理拚袂過擲糞埽的速度，民眾猶是愛對源頭減量，才會使解決問題。
藏水員佇東港溪出海口的海底，趕緊先共索仔固定，人那搝索仔那開始揣看佗位較垃圾，毋過海水實在真濁。
毋但海水真濁，出海口的海底嘛真坎坷，藏水人員愛細膩，看著塑膠袋仔、玻璃罐仔、鐵鍊仔攏愛抾，上濟就是這種大型漁網，定定看著魚仔蟳仔予纏牢，誠毋甘。
若是發現大型漁網，有時愛切斷縛起來，等浮來海面才閣處理，欲清海底糞埽真困難，毋過舊年底，民間團體調查，台灣西部海岸八个出海口，海底糞埽的密度是全球平均的1.5倍，因為寒天北部天氣䆀，海洋保育署最近才針對高屏這兩个所在先清理，出動20擺，清出7.21噸的糞埽。
海保署表示，遐爾濟佇海面看袂著的糞埽，其實攏是民眾生活中的使用品，人工清理拚袂過擲糞埽的速度，民眾猶是愛對源頭減量，才會使解決問題。
