中天新聞台轉戰網路 按怎久長經營成做挑戰
發布時間：
更新時間：
中天新聞台的電視頻道，昨昏行入歷史，今仔日開始改做網路播送，不過網路經營的收入，敢趁有夠往過中天做電視的成本咧？而且網路頻道的內容設計和收看的族群，攏有精差，今這也是中天未來愛面對的挑戰。
經營26冬的中天招牌求重生，對電視徙來網路24點鐘直播。
主播佇線頂繼續放送中天新聞，而且參網友互動，若對網路平台的注文人數來看，12號早起就欲到百九萬人，觀看人數嘛有3至4萬，比對其他新聞台，會使講誠濟人咧關注，毋過這款聲頭，若繼續照過去的模式製播新聞，通維持偌久？
大數據公司的營運長林慧珍講，真濟新聞台攏有經營網路，毋過目前較無經營壓力。中天新聞若干焦照往過的方式做內容，欲行久長確實是挑戰。掠準閣用其他網路新聞業者的經驗，可比 etotday或者是udn，用閣較多元的題材經營，甚至網路購物來維持，敢是會當試的出路？
若照網路專家分析，中天轉戰網路，對內容、原本的目標族群敢守會牢、以後的核心價值會是啥，攏是連鞭就愛思考佮面對的考驗。
經營26冬的中天招牌求重生，對電視徙來網路24點鐘直播。
主播佇線頂繼續放送中天新聞，而且參網友互動，若對網路平台的注文人數來看，12號早起就欲到百九萬人，觀看人數嘛有3至4萬，比對其他新聞台，會使講誠濟人咧關注，毋過這款聲頭，若繼續照過去的模式製播新聞，通維持偌久？
大數據公司的營運長林慧珍講，真濟新聞台攏有經營網路，毋過目前較無經營壓力。中天新聞若干焦照往過的方式做內容，欲行久長確實是挑戰。掠準閣用其他網路新聞業者的經驗，可比 etotday或者是udn，用閣較多元的題材經營，甚至網路購物來維持，敢是會當試的出路？
若照網路專家分析，中天轉戰網路，對內容、原本的目標族群敢守會牢、以後的核心價值會是啥，攏是連鞭就愛思考佮面對的考驗。
專題｜改造地獄路 台灣行人路為何難行？
