臺鐵電氣化欲通車 藍皮火車12/23行入歷史

臺鐵的南迴鐵路做電氣化,12月23,上尾一節枋寮到臺東就欲通車,較早全食油的「藍皮火車」也會變做歷史,目前全臺灣干焦賰一幫車往回咧走。民眾為著欲趕這最後的一幫車,逐家攏相爭去到枋寮火車頭,紀念少年時代的青春歲月。

人咧講「坐火車看風景,坐大船看海湧」,傳說當中看風景,就會當解人鬱症、全臺灣只賰一幫咧往回的藍皮火車,因為臺鐵電氣化通車,12月23也欲正式行入歷史。


一聽著藍皮火車,將來無欲閣出車載客。濟濟遊客是趕到枋寮火車站,專工落南來坐車,講定著把握最後的機會,紀念家己年少的青春歲月。甚至有火車迷發動「一人一票」連署,要求保留記持當中的藍皮火車。

目前臺鐵的藍皮火車,雖然只賰一幫逐日往來臺東佮枋寮。車位限量、有錢買無,但是若買無最後的車票,猶毋免驚鬱卒捶心肝。今交通部為著刺激臺東在地觀光,已決定欲翻新藍皮火車,保持原樣修復,上緊在明年的10月,就會和民眾閣再見面。

相關新聞

專題|全台敬老金大調查