佇新竹的內灣老街，街仔頂有一間老戲院，早期是當地剉柴佮塗炭工人上愛去的所在。煞因為時代變遷，今也囥咧荒。為著欲予民眾，共戲園鬧熱的氣氛揣倒轉來。17這工也會佇遮放電影，陪民眾做伙行入、內灣的文化歷史。

來過內灣的遊客，可能知影這間老戲院，往過（ÍNG-KUÈ）上興的時，戲院逐工滿座，毋過時代改變，民國七十年戲院收起來了後，捌拋荒二十外冬，後來厝主重新修整，老戲院才閣揣著新的出路。

內灣的往日風情，嘛佇過去真濟電影內底出現，親像：踮在河畔(hô-puān)青草青（上標用原名：在那河畔青草青）、春秋茶室、Tóo-sàng(多桑)、烏皮佮白牙（黑皮與白牙）等等，攏捌佇遮取景。這擺內灣電影文化節，嘛會佇17號彼日現場放影。

這擺鄉公所希望透過電影懷舊，連結老、中、青三代人的共同記持，遊客嘛通好進一步了解內灣的文化歷史。