雲林吳宛蓉多才多藝 受頒全國自強兒童獎

雲林四湖三崙國小的吳宛蓉，靠有限的資源，學習真濟代誌；今年得著家扶中心全國自強兒童的獎項，咱做伙來看伊的故事。

不管是歕笛仔、跳舞、抑者是練武功，讀雲林縣四湖鄉三崙國小五年仔的吳宛蓉，毋那會曉真濟才藝，伊佇學校的成績也真優秀。

家扶中心的副主委替吳宛蓉共紅布條結佇身軀，頒發全國自強兒童獎予伊，佇邊仔陪伊領獎的阿公阿嬤，已經八十幾歲矣，講起這个友孝查某孫仔，in心內真毋甘。

吳宛蓉的阿嬤講因為吳宛蓉的爸爸身替䆀，伊的媽媽佇台北靠做散工，照顧吳宛蓉爸爸，所以吳宛蓉自出世都攏惦四湖鄉，由in兩个老矣tshua7，不過吳宛蓉真捌代誌，毋那會曉替妹妹泡牛奶、洗身軀，閣會曉做蚵仔串倌，加減共厝鬥參添。

這陣得到全國自強兒童這份光彩，吳宛蓉講多謝各界對伊的幫贊，伊會繼續加油，䆀予厝內的人煩惱。