農業保險法三讀 前5冬政府上濟貼75%

做田人，一來看天食飯，氣候變化全毋知，二來著閣操煩病蟲害，收成了後也歹按算，市草好抑差。為著遮的緣故，早起，立法院也來三讀通過「農業保險法」，內容寫明講，這部法律實施前五冬，農業保險的保險人，也就是遮的農民，政府聽好補助保費，上懸75％。

風颱大水，聽好講逐年都毋捌無，對農業的損害是真嚴重，為著欲降低「農損」的風險，早起立法院三讀通過的這部「農業保險法」，規定主管機關，聽好補助來辦理「農業保險」的保險人，法律實施前5年，上懸是75%。／抑法律的條文也規定，農保基金，政府捐助的錢額，著愛一年一年增加起來到100億。