用無人機澍消毒水 避免偏鄉校園變防疫空縫
發布時間：
更新時間：
疫情當咧嚴重，校園的消毒工課變佮真重要，有科技公司佇無人機頂頭，安噴灑酒精的設備，協助偏鄉的學校消毒校園，毋但省時省力，也消毒甲真齊勻。
先共酒精倒入無人機頂頭的塑膠盒仔內底，紲落去操控機仔，開始消毒學校運動埕，武漢肺炎疫情湠無歇，這陣有科技公司研發這種專門噴酒精消毒的無人機，替學校消毒。
無人機飛懸飛低，包括囡仔上愛跙的流籠，也攏有斟酌著，一方面共消毒的工課做予齊全，另外一方面增加防疫的速度，省時也省工。
佇空中飛行的自動消毒機，這陣毋那是鬥做防疫的重要跤手，也減輕學校防疫的壓力和經費，確保校園安全。
